Nuwe plasings, beter geleenthede

 


Die rede vir hierdie plasing is om jou te laat weet dat jy van nou af my nuwe blog-plasings op madeleineventer.com gaan lees en nie meer hier op die Blogger-platform nie. Die plasings wat reeds hier is, bly net hier waar dit is en kan steeds enige tyd gelees en gedeel word, of selfs kommentaar op gelewer word. Dit is slegs nuwe plasings wat van nou af op my webwerf gaan verskyn en hier is die rede daarvoor…

Op 12 September 2015, is die eerste plasing “Om te weet” op Blog vir Jesus publiseer en in die afgelope amper ses jaar het die blog 'n totaal van 43 625 bladsykyke gehad!

Ek is baie dankbaar teenoor die Here hiervoor. En ook teenoor jou wat hier lees vir jou voortdurende ondersteuning. Of jy nou familie, vriend of vreemdeling is. Sonder jou sou niks hiervan saak gemaak het nie. ʼn Blog moet tog gelees word. En selfs al was daar net een leser sou dit die moeite werd gewees het, want vir die Here is daardie een leser belangrik. So, baie dankie!

My eerste boek, Uit Hom, deur Hom, tot Hom, is uit Blog vir Jesus gebore en het my skryfloopbaan afgeskop.

Dit het my by die Wordpress-platform uitgebring en ek het baie vinnig besef dat Wordpress baie meer geleenthede bied vir ontwikkeling en ook dat dit baie beter ondersteun word deur sosiale netwerke. Soveel meer mense kan dus bereik word deur Wordpress as deur Blogger.

Ek het ʼn domein, madeleineventer.com, registreer en ʼn Wordpress-webwerf gebou. Dit was nogal ʼn uitdaging, maar gelukkig het ek reeds bietjie oefening met my Engelse blog, Rejoicing at Your Word, gehad.

Nog ʼn rede waarom ek besluit het om nuwe plasings van nou af eerder op madeleineventer.com te plaas, is omdat Feedburner, nie meer die Follow by e-mail -funksie op Blogger gaan ondersteun vanaf Augustus hierdie jaar nie. Dit sal dus nie meer moontlik wees om nuwe plasings in jou inboks te kry as hulle op die Blogger-platform verskyn nie. Op madeleineventer.com aan die ander kant, sal Wordpress sorg dat jy die plasings kry soos hulle verskyn.

Dit sal ook nou vir jou, en vir my, baie makliker wees om plasings te deel op sosiale netwerke en om kommentaar te lewer. Dit gaan ook baie makliker wees om my te kotak vanaf my webwerf.

Op my webwerf is daar ʼn skakel na Blog vir Jesus sodat bestaande plasings steeds hier gelees kan word. Nuwe plasings gaan egter op my webwerf se BLOG-bladsy verskyn. Die skakel lyk so:

Skermskoot vanaf madeleineventer.com


Ek hoop jy is so opgewonde soos ek oor hierdie nuwe geleentheid wat die Here oor my pad gebring het. Elke woord wat ek skryf, skryf ek vir Hom. Dit is een van die maniere waarop ek my lewe aan God wei en my talente aanbied tot sy diens. 

Mag ons nog lekker saam kuier.

Liefde

Madeleine


Volg my op Facebook

Volg my op Facebook

Kontakvorm

Naam

E-pos *

Boodskap *

Gewilde plasings van hierdie blog

'n Brief aan my kind

Prent
My liewe kind… ʼn Nuwe emosie het in my wakker geword, die eerste keer wat ek jou hartjie hoor klop het. Dit is ʼn emosie wat ek nie voorheen gehad het nie, maar wat saam met jou groter en sterker gegroei het. Nou is dit so deel van my dat ek nie kan onthou hoe my lewe daarsonder was nie. Verwondering. Blydskap. Vrede. Verantwoordelikheid. Vrees. Nederigheid. Verbasing. Alles in een. Ek sou my lewe vir joune ruil. En sal nog steeds. Daardie eerste keer wat ek jou warm asempie teen my wang gevoel het en jou pasgebore velletjie geruik het, sal ek nooit in my lewe vergeet nie. Dit was op daardie oomblik wat die nuwe emosie my hele wese oorgeneem het. Ek weet nou dis hier om te bly. Vir so lank as wat ek lewe! Al die ouerskap boeke, al die toerusting en al die goedbedoelde raad was ewe skielik nie genoeg nie. Jy is jy. Hulle kon nog nie oor jou skryf in enige boek nie, want jy was nog nooit gewees nie. Op die ou end het ons geleer dat ons eie raad die beste raad is, al w
Hou aan lees

Prysuitdeling

Prent
Dit is weer daardie tyd van die jaar. Prysuitdelings. Dit is die tyd waarin ʼn mens vir twee ure op ʼn harde saal stoel sit en wag vir jou kind se naam om uiteindelik gelees te word. Jy is so besig om te wonder waarvoor sy ʼn prys gaan kry, dat jy nie juis luister watter pryse die ander tweehonderd kinders kry nie. As sy dan uiteindelik daar op die verhoog saam met haar klas staan, is jy weer so besig om foto’s te neem, dat jy inelkgeval nie eens mooi hoor wat op die stuk papier staan waaroor sy groot oog staan en loer nie. Maar jou hart swel van trots en jy sug van verligting dat haar naam wel uitgelees is. Ek kan nie help om te wonder waar prysuitdelings begin het nie…hoekom het mense besluit daar moet sertifikate, medaljes, balkies, trofee en allerhande dinge uitgedeel word om te wys hoe oulik iemand is? Wat van die outjie wat nie ʼn medalje kry nie? Of die een wat vol hoop na die trofee staar net om te sien hoe dit aan iemand anders oorhandig word? Die doel van ʼn skool pry
Hou aan lees

'n Brief aan Ma

Prent
Liewe Ma… Om vier kinders te kan groot maak moet ʼn mens hare op jou tande hê. Want elke kind is ʼn klein beginner-mensie. Dis moeilik genoeg om een beginner-mensie in die regte rigting te stuur. Hoe doen ʼn mens dit met vier? So hierdie is ʼn dankie-sê-brief. Dankie vir die Bybel stories en die kerk toe gaan. Dankie vir “Ek is ʼn kindjie klein…” gebedjies en “ons praat nie so nie” vermanings. Dankie vir die kerk kampe en my Bybel. Dankie dat ma dáár was. Elke middag na skool gereed om met huiswerk te help en vir ure te sit en wag by naskoolse aktiwiteite. Dankie dat ons nie nodig gehad het om ooit vermaak op ander plekke as by ons huis te gaan soek nie. Daar was altyd iets om te doen naweke en vakansies. Dankie dat ons buite kon speel en in die ou wilgerboom kon klim. En die siek-dae…hoe baie keer het ek nie, noudat ek self ʼn ma is, gewens Ma kon my kom versorg as ek siek is nie! Dan was daar verjaarsdae en Kersfees. Die spesiaal opgemaakte pakkies met spesiaal uitgeso
Hou aan lees