God se hart in Sy Woord
Ons almal weet dat
die Bybel oorspronklik in Hebreeus geskryf is. Dit is egter nie geskryf in die
moderne Hebreeus van vandag nie, maar in ʼn antieke Hebreeus wat bestaan het uit
prentjies. Elke prentjie het spesifieke betekenisse gehad. Hier is ʼn voorbeeld
van die eerste letter van die Hebreeuse alfabet:
Elke letter het
ook ʼn numeriese waarde. Daar is dus die antieke Hebreeuse prentjies met hulle
betekenisse en ook spesifieke nommers wat in ag geneem moet word as ons na Hebreeuse
woorde kyk. Hier is die volledige Hebreeuse alfabet, met elke letter se antieke
Hebreeus en numeriese waarde (onthou om van regs na links te lees):
Daar is egter nog
een baie belangrike ding wat in ag geneem moet word as ons na die
oorspronklike, Hebreeuse Bybel kyk en dit is dat elke woord deur God self geïnspireer
is! (2 Tim. 3:16)
As ons nou op só ʼn
manier na party van die oorspronklike Hebreeuse woorde in die Bybel kyk, het
ons ʼn kosbare openbaring van wat die werklike, God geïnspireerde, betekenisse
van daardie woorde is.
Daar is een
spesifieke woord waaroor ek vandag wil skryf. Maar voordat ek by daardie woord
kan uitkom, moet ek eers na ʼn ander woord kyk:
Die Hebreeuse
letters wat gebruik word vir die woord “vader” is Alef en Beyt. As jy egter
na die antieke Hebreeuse prentjies van Alef
en Beyt kyk, sien jy iets baie
interessant. Dan kan die woord “vader” gelees word as: “Die leier
van die familie.”
Kom ons voeg vir
interessantheid ʼn letter tussen die Alef
en die Beyt in:
Die letter wat ek
ingevoeg het, is Hey. Die antieke
Hebreeuse betekenis van Hey is “asem”
wat gewoonlik verwys het na die “gees” of die “hart.” Rofweg beteken dit dus: “Die
gees van die vader” of “Die hart van die vader.”
As ons nog ʼn Hey aan die einde van die woord byvoeg
sal dit so lyk:
Nog ʼn betekenis
van die antieke Hey is “openbaar”.
Ons kan dus die bogenoemde woord as volg lees: “Die hart van die vader
geopenbaar aan die familie”
En, raai wat… dit
is die woord “Ahava”, die Hebreeuse
woord vir liefde!
Nou het die woord “liefde”
skielik ʼn heel ander betekenis. Dit is
die openbaring van die Vader se hart!
Lees nou weer die
bekende Johannes 3:16, en jy kan dit soos volg interpreteer: “Want so het die Vader sy hart aan die mense
geopenbaar, deurdat Hy sy enigste Seun gegee het, sodat die wat in Hom glo,
nie verlore sal gaan nie, maar die ewige lewe sal hê.” (John 3:16)
Toe Jesus ons die
opdrag gegee het om mekaar lief te hê. Het Hy eintlik aan ons die opdrag gegee
om die Vader se hart aan mense te openbaar. Dit is presies wat Hy gedoen het. (John
5:19, John 12:45, John 12: 49-50)
1 Korintiërs 13
beskryf aan ons die Vader se hart. Dit is wie God is. Hy is liefde. (1 Cor. 13,
1 John 4:8)
Sjoe, is dit die
liefde wat ons aan ons medemens wys? Is dit hoe ons ons vyande liefhet? Wys ons
God se hart vir hulle? Of praat ons maar net? (1 John 3:18)
God moet aan mense
geopenbaar word deur ons dade van liefde. Dit kan nie net by praat bly nie. God
het sy liefde in ons harte uitgestort deur die Heilige Gees. (Rom. 5:5) Hy het
dus Sy hart, Sy asem, Sy Gees, aan ons gegee met die opdrag om dit aan die mense
rondom ons te wys.
Dalk kom daar
vandag iemand oor jou pad wat nodig het om die Vader se hart te sien.
Jy is die een wat
dit vir daardie mens moet wys.
(Dankie aan pastoor Theuns Blom van LFCC wat van die inligting
in hierdie plasing met die gemeente gedeel het)
