Om te deel...

Ek in God en God in my.

Wat beteken dit?

 ‘n Dooie tak wat onder ‘n vrugteboom lê beteken vir ‘n boer niks. Dit kan nie meer vrugte dra nie want dit is nie meer deel van die boom nie. Die tak is nie in die boom nie en die boom is nie in die tak nie. Dit is onmoontlik vir daardie tak om vrugte te dra. So wat doen die boer? Hy tel die tak op en gooi dit eenkant op ‘n hoop saam met ander dooie takke om verbrand te word.

In Johannes 15 verwys Jesus na Homself as die wingerdstok en ons as die lote wat nie kan vrugte dra as ons nie in Hom en Hy in ons bly nie.

Maar wat beteken dit om in Hom te bly?

Die Complete Jewish Bible vertaal Joh. 15:5 soos volg (eie klem): “I am the vine and you are the branches. Those who stay united with me, and I with them, are the ones who bear much fruit; because apart from me you can’t do a thing.”
Dit beteken dus om verenig te wees. Om deel te wees van Jesus.
King James Version gebruik die woord “abide”. M.a.w om te bly, te woon. Soos wat jy in jou huis woon.

‘n Mens sou dus kon sê dit beteken om deel te wees van Jesus deur in Hom te woon en Hy in ons.

Nou hoe doen ‘n mens dit?

Volgens Johannes is daar vyf maniere waarop ons kan weet dat ons in God bly en Hy in ons (as jy met jou muis oor die teksverse sweef of op jou foon daarop kliek, sal die teksvers verskyn):

Deur te bely dat Jesus die seun van God is (1John. 4:15)

Deur in God se liefde te bly (1John. 4:16)

Deur mekaar lief te hê (1John. 4:12)

Deur Sy gebooie te gehoorsaam. (1 John. 3:24) Dit doen ons deur vir Hom en mekaar lief te wees.

Deurdat Hy sy Gees aan ons gee (1 John. 3:24, 4:13)

Om terug te kom na die tak en die vrugteboom. Daardie tak hoef nie veel te doen om vrugte te dra nie. Al wat dit moet doen is om deel van die boom te bly. Terwyl dit deel van die boom is, vloei die boom se lewenssap deur hom wat tot gevolg het dat die tak groei en vrugte dra. Al die krag kom dus van die boom af. Net so kom ons vermoë om te groei en vrugte te dra van God af. Al wat ons hoef te doen is om deel van Hom te bly sodat Hy deel van ons kan bly.

Die moeilikheid begin wanneer daardie tak dink hy het nie meer die boom nodig om vrugte te dra nie. Sonder die boom se lewensap in hom, verdroog hy en word waardeloos.

Jy hoef nie ‘n dooie tak te wees nie. Jesus sê: “As julle in My bly en My woorde in julle, vra dan net wat julle wil hê, en julle sal dit kry. My Vader word juis daardeur verheerlik dat julle baie vrugte dra en my dissipels is.”

Woon Jesus se lewens-woorde in jou?
Is jy deel van Hom?


Wat ‘n groot voorreg om ‘n loot aan die Wingerdstok te wees. 

Volg my op Facebook

Volg my op Facebook

Kontakvorm

Naam

E-pos *

Boodskap *

Gewilde plasings van hierdie blog

'n Brief aan my kind

Prent
My liewe kind… ʼn Nuwe emosie het in my wakker geword, die eerste keer wat ek jou hartjie hoor klop het. Dit is ʼn emosie wat ek nie voorheen gehad het nie, maar wat saam met jou groter en sterker gegroei het. Nou is dit so deel van my dat ek nie kan onthou hoe my lewe daarsonder was nie. Verwondering. Blydskap. Vrede. Verantwoordelikheid. Vrees. Nederigheid. Verbasing. Alles in een. Ek sou my lewe vir joune ruil. En sal nog steeds. Daardie eerste keer wat ek jou warm asempie teen my wang gevoel het en jou pasgebore velletjie geruik het, sal ek nooit in my lewe vergeet nie. Dit was op daardie oomblik wat die nuwe emosie my hele wese oorgeneem het. Ek weet nou dis hier om te bly. Vir so lank as wat ek lewe! Al die ouerskap boeke, al die toerusting en al die goedbedoelde raad was ewe skielik nie genoeg nie. Jy is jy. Hulle kon nog nie oor jou skryf in enige boek nie, want jy was nog nooit gewees nie. Op die ou end het ons geleer dat ons eie raad die beste raad is, al w
Hou aan lees

Prysuitdeling

Prent
Dit is weer daardie tyd van die jaar. Prysuitdelings. Dit is die tyd waarin ʼn mens vir twee ure op ʼn harde saal stoel sit en wag vir jou kind se naam om uiteindelik gelees te word. Jy is so besig om te wonder waarvoor sy ʼn prys gaan kry, dat jy nie juis luister watter pryse die ander tweehonderd kinders kry nie. As sy dan uiteindelik daar op die verhoog saam met haar klas staan, is jy weer so besig om foto’s te neem, dat jy inelkgeval nie eens mooi hoor wat op die stuk papier staan waaroor sy groot oog staan en loer nie. Maar jou hart swel van trots en jy sug van verligting dat haar naam wel uitgelees is. Ek kan nie help om te wonder waar prysuitdelings begin het nie…hoekom het mense besluit daar moet sertifikate, medaljes, balkies, trofee en allerhande dinge uitgedeel word om te wys hoe oulik iemand is? Wat van die outjie wat nie ʼn medalje kry nie? Of die een wat vol hoop na die trofee staar net om te sien hoe dit aan iemand anders oorhandig word? Die doel van ʼn skool pry
Hou aan lees

'n Brief aan Ma

Prent
Liewe Ma… Om vier kinders te kan groot maak moet ʼn mens hare op jou tande hê. Want elke kind is ʼn klein beginner-mensie. Dis moeilik genoeg om een beginner-mensie in die regte rigting te stuur. Hoe doen ʼn mens dit met vier? So hierdie is ʼn dankie-sê-brief. Dankie vir die Bybel stories en die kerk toe gaan. Dankie vir “Ek is ʼn kindjie klein…” gebedjies en “ons praat nie so nie” vermanings. Dankie vir die kerk kampe en my Bybel. Dankie dat ma dáár was. Elke middag na skool gereed om met huiswerk te help en vir ure te sit en wag by naskoolse aktiwiteite. Dankie dat ons nie nodig gehad het om ooit vermaak op ander plekke as by ons huis te gaan soek nie. Daar was altyd iets om te doen naweke en vakansies. Dankie dat ons buite kon speel en in die ou wilgerboom kon klim. En die siek-dae…hoe baie keer het ek nie, noudat ek self ʼn ma is, gewens Ma kon my kom versorg as ek siek is nie! Dan was daar verjaarsdae en Kersfees. Die spesiaal opgemaakte pakkies met spesiaal uitgeso
Hou aan lees