Alles tot die eer van... myself

Waarom steel mense by mekaar? Waarom bedrieg mense mekaar? Waarom is hulle afgunstig, skinder hulle en word egbreuk gepleeg? Waarom respekteer hulle nie mekaar nie? Waarom moor hulle?

Waarom word mense kwaad vir God? Verloën hulle Hom? Vergeet hulle Hom? Ontken hulle Hom?

Want sonde kan opgesom word in een woord: Self-eer

 “Dit is my reg om in ʼn groot huis te bly, ʼn duur motor te ry en die nuutste tegnologie te hê.”
“Ek verdien hierdie bevordering want ek is baie slimmer en baie beter opgelei”
“My eie vrou laat my nie so goed oor myself voel soos daardie vrou nie.”
“Wie is jy dat ek na jou moet luister of jou gevoelens in ag moet neem? Wat kan jy vir my doen?”
“Jy het my te na gekom, jy het wat ek wil hê, so jy verdien nie om te leef nie…”

“Hoe kon God so iets met my laat gebeur?”
“Almal gaan my snaaks aankyk as ek nou bid.”
“Hierdie sportbyeenkoms is baie belangriker as om kerk toe te gaan Sondag, want ek verloor dalk my plek in die span as ek nie deelneem nie.”
“Ek het nie nou tyd om Bybelstudie te hou nie, ek is te besig.”
“God tree nie op soos wat ek wil hê Hy moet optree nie. Hy vat hopeloos te lank om my gebede te verhoor. Ek kan Hom in elk geval nie sien of hoor nie, so my gesonde verstand sê vir my Hy is nie daar nie.”

Paulus het met goeie rede gesê ons gedagtes moet nuut word (Rom 12:2, Eph 4:23).

Jesus leer ons dat die wat eerste wil wees, almal se dienaar moet wees. Dat jy jou vyande moet liefhê en vir hulle moet bid. As iemand jou dwing om sy goed ʼn kilometer ver te dra, jy dit vir hom twee kilometer ver moet dra. Vergewe sewentig maal sewe keer. Gee om vir die wat honger, dors, siek en in die tronk is en was mekaar se voete.
(Mark 9:35, Mat 5:44, Mat 5:41, Mat 18:21-22, Mat 25:35-36, Joh 13:14)

Hoekom is dit wat Hy van Sy volgelinge verwag?
Want, dit is alles dinge wat jy nooit sal kan doen as jy jou eie eer soek nie.

Dit is nogal opvallend dat die tien gebooie presies die teenoorgestelde van self-eer is. Jesus het gekom om die wet in vervulling te bring en het ook aan ons ʼn nuwe gebod gegee, liefde (Joh 13:34).

Wie is dit wat eendag gaan hoor: “Gaan weg van my af, Ek ken julle nie?” Al het hulle in Jesus se Naam gepreek en duiwels uitgedryf? Dit is díe wat nie Sy wet onderhou het nie (Mat 7:21-23). Wat is Sy wet? Presies die teenoorgestelde van self-eer. Met ander woorde; dit is díe wat alles tot hulle eie eer gedoen het.

Ek vereenvoudig die konsep eintlik baie. As ek regtig in diepte moet ingaan, sal hierdie plasing te lank wees. Daar is wonderlike beloftes vir die wat nie op self-eer ingestel is nie, maar daaroor sal ek volgende keer skryf.

So, gaan dink asseblief hieroor. Is jy regtig Sy volgeling? Bly jy regtig in Hom en Sy woorde in jou?

Pasop, die lyn tussen selfgelding en self-eer is baie dof. As jy weet wie jy in Christus is, behoort dit nie vir jou so belangrik te wees om jouself te laat geld nie.


So, wat gaan dit wees? 
Alles tot Sy eer? Of alles tot jou eer? 

Volg my op Facebook

Volg my op Facebook

Kontakvorm

Naam

E-pos *

Boodskap *

Gewilde plasings van hierdie blog

'n Brief aan my kind

Prent
My liewe kind… ʼn Nuwe emosie het in my wakker geword, die eerste keer wat ek jou hartjie hoor klop het. Dit is ʼn emosie wat ek nie voorheen gehad het nie, maar wat saam met jou groter en sterker gegroei het. Nou is dit so deel van my dat ek nie kan onthou hoe my lewe daarsonder was nie. Verwondering. Blydskap. Vrede. Verantwoordelikheid. Vrees. Nederigheid. Verbasing. Alles in een. Ek sou my lewe vir joune ruil. En sal nog steeds. Daardie eerste keer wat ek jou warm asempie teen my wang gevoel het en jou pasgebore velletjie geruik het, sal ek nooit in my lewe vergeet nie. Dit was op daardie oomblik wat die nuwe emosie my hele wese oorgeneem het. Ek weet nou dis hier om te bly. Vir so lank as wat ek lewe! Al die ouerskap boeke, al die toerusting en al die goedbedoelde raad was ewe skielik nie genoeg nie. Jy is jy. Hulle kon nog nie oor jou skryf in enige boek nie, want jy was nog nooit gewees nie. Op die ou end het ons geleer dat ons eie raad die beste raad is, al w
Hou aan lees

Prysuitdeling

Prent
Dit is weer daardie tyd van die jaar. Prysuitdelings. Dit is die tyd waarin ʼn mens vir twee ure op ʼn harde saal stoel sit en wag vir jou kind se naam om uiteindelik gelees te word. Jy is so besig om te wonder waarvoor sy ʼn prys gaan kry, dat jy nie juis luister watter pryse die ander tweehonderd kinders kry nie. As sy dan uiteindelik daar op die verhoog saam met haar klas staan, is jy weer so besig om foto’s te neem, dat jy inelkgeval nie eens mooi hoor wat op die stuk papier staan waaroor sy groot oog staan en loer nie. Maar jou hart swel van trots en jy sug van verligting dat haar naam wel uitgelees is. Ek kan nie help om te wonder waar prysuitdelings begin het nie…hoekom het mense besluit daar moet sertifikate, medaljes, balkies, trofee en allerhande dinge uitgedeel word om te wys hoe oulik iemand is? Wat van die outjie wat nie ʼn medalje kry nie? Of die een wat vol hoop na die trofee staar net om te sien hoe dit aan iemand anders oorhandig word? Die doel van ʼn skool pry
Hou aan lees

'n Brief aan Ma

Prent
Liewe Ma… Om vier kinders te kan groot maak moet ʼn mens hare op jou tande hê. Want elke kind is ʼn klein beginner-mensie. Dis moeilik genoeg om een beginner-mensie in die regte rigting te stuur. Hoe doen ʼn mens dit met vier? So hierdie is ʼn dankie-sê-brief. Dankie vir die Bybel stories en die kerk toe gaan. Dankie vir “Ek is ʼn kindjie klein…” gebedjies en “ons praat nie so nie” vermanings. Dankie vir die kerk kampe en my Bybel. Dankie dat ma dáár was. Elke middag na skool gereed om met huiswerk te help en vir ure te sit en wag by naskoolse aktiwiteite. Dankie dat ons nie nodig gehad het om ooit vermaak op ander plekke as by ons huis te gaan soek nie. Daar was altyd iets om te doen naweke en vakansies. Dankie dat ons buite kon speel en in die ou wilgerboom kon klim. En die siek-dae…hoe baie keer het ek nie, noudat ek self ʼn ma is, gewens Ma kon my kom versorg as ek siek is nie! Dan was daar verjaarsdae en Kersfees. Die spesiaal opgemaakte pakkies met spesiaal uitgeso
Hou aan lees